BBC Music Awards nung Adele-i sempet ana angu

December 11, 2015: BBC music awards 2015 sempet tulutiba anaji Adele aser Taylor Swift nati agizükogo; Adele-i British Artist of the year award agizük aser Taylor Swift-i International artist of the year agizük.

Birmingham’s Genting Arena nung ayongzüka akaba sentong nung One Direction, Ellie Goulding aser Rod Stewart nungeri shilem agia ken tenogo.

Hozier aser tang tasenpur Jack Garratt nungeria 2buba BBC Music Awards nung award nguogo.

Adele-i British Artist of the Year aser BBC Live Performance of the Year award agizüka liasü. Arishi küm 27 Adele award agütsüba sentong nung maliasü, ajisüaka lai osang ka yoka, “Ibaji jangratemtsüka. Ni tangang ken tasen saya. Ni kanga pelar,” ta ashi.

La indang kensep tasenba ’25’ hopta ana tejaklen ang sayaa liasü, saka iba kensep ajanga chart record aika yangluogo.

“Sorry, ni yangji mali, ni kanga sasa mulung raksar, saka kü nem award agütsüba atema pelar. Ni nenok dang kanga pelar. Nenok jangratema mungdagita ni amanger,” ta Adele-i ashi.

Ano Taylor Swift-ia, “Tang ni nenok den lir ta süner saka ni Australia nung kenten sentong nung lir. BBC Music Award, International Artist of the Year atema nenok dang kanga pelar,” ta ashi.

BBC Music Awards tetoktepertem aser takokertem tsünglanglen angur:

British Artist of the Year – Adele

International Artist of the Year – Taylor Swift

Song of the Year

Hozier – Take Me To Church

British live performance of the year – Adele at the BBC

BBC Introducing Act – Jack Garratt