BCCI-i tajungba küma melenshitsü memulunger: Supreme Court

New Delhi, April 08 (Agencies): India ajunga nung cricket asayatsüren ketdang asür, Board of Control for Cricket in India (BCCI) tenteti tajungba küma melenshitsü memulungba olen ka India nung tentetba tematiba okadak, Supreme Court (SC)-i tanü, Hokolbar nü metetdaktsüogo.
Lodha ludeni benokba temelenshi agitsü memulungba olen ka BCCI okatsürtemi benokba sülen SC-i tanü iba olenji metetdaktsü.
BCCI-i state ka-tentet ka-vote ka, arishi küm nung ajemdaker lenisütsü kümsük lateta ayutsü aser iba amala temelenshi agitsü asoshi Lodha ludeni taküm 2016 küm January ita 4 nü SC nung onük benoka liasü.
Ano, “International Cricket Council (ICC) telatetba anema inyaktsü memulunger,” ta shia, BBCI-i sorkar nungi yokba ketdangser ka par tentet nung densemdaktsütsü asoshi benokba onük magizükba osanga jangjaogo.