BCCI Tir, Anurag-i tanü Nagaland semdangtsü

Dimapur, May 30 (TYO): India ajunga nung cricket asayatsüren ketdang asür, Board of Control for Cricket in India (BCCI) nung Tir aser India Parliament kübok Lok Sabha MP, Anurag Thakur-i asüng, Mongolbar nü Nagaland semdangtsü sentong renemba osang ka Abu Metha, General Secretary, Nagaland Cricket Association (NCA)-i tanü sangdong ka ajanga metetdaktsüogo.
NCA-i asüng nikongdang 2:00 ako nungi tenzüka Niathu Resort, Chumukedima, Dimapur nung agitsü ayongba tetushi agütsütsü sentong nung shilem agiba sülen Anurag-i osangbener den senden ka amentsü sentong renema lir.
Tan mezüngsüa Nagaland semdangtsü sentong renemsang, Anurag den külemi, Abhishek Dalmiya aser BCCI ketdangser 3 tashi tan Nagaland semdangtsü sentong renemba osanga metetdaktsüogo.
NCA ketdangser ajungai tetushi agütsütsü sentong nung shilem agitsü tayongzükba ka kasa sangdong ajanga metetdaktsüogo.