BCS lenir-i Nagaland Angh ajuru

May 25, 2017 nü Raj Bhavan, Kohima nung Nagaland Angh, PB Acharya aser Burma Campaign Society Chairperson, Akiko McDonald na tangokba noksa nung angur.

Kohima, May 25 (TYO): Brihostibarnü Raj Bhavan, Kohima nung Burma Campaign Society (BCS) Mendenbula, Akiko McDonald-i Nagaland Angh, PB Acharya ajurua liasü.
Iba senden nung Akiko-i Angh dang, BCS-i putiotsütem, rara mapang otsütem, noksatem aser film tem bendentsü aser alima nüburtem nem agütsütsü nükjidong lir, ta metetdaktsü.
Society-isa Japan, India, Burma aser UK linüktem nung war memorial sentongtem nung shilem agitsü nükjidong lir, ta laisa metetdaktsü.
Burma Campaign Society mendenbulaisa May 24, 2017 nü Nagaland Chief Minister, Dr. Shurhozelie Liezietsu-a ajurua liasü.

BCS lenir-i Nagaland Angh ajuru added by nungsang on May 25, 2017
View all posts by nungsang →