B’desh:Medical university ulutiba nung mi adok

Dhaka, January 07 (Agencies) : Honibarnü Bangladesh yimtiba Dakha nung Bangabandhu Sheikh Mujib Medical University (BSMMU) nung mi adok saka iba lendong nung yiruba mesüra asüba osang tang tashi nung kecha mali, ta osangbenertemi ashi.
Ibai Bangladesh nung university tutlutiba lir.
Iba mi ya anepdang 11:20 ako meta adok aser mapang tatsüka tsüngda nung alilen aliba Cabin Block arongdang yangji aliba nüngdakba oset aser züluzüpongtem ajak rongtokogo, ta police ketdangser kati pa tenüng memetetdaktsüi ashiba Xinhua news agency osang ajanga metetdaktsü.
Iba ketdangser jagi ashiba agi, mi den raraba gari aika yoka anüngdang 12:15 ako meta iba mi tesashi insep saka asüba mesüra yiruba osangbo kecha mali.
University nung mi komaser adokar iba osang agütsü tang tashi nung ano mejangjateti lir.
BSMMU ya Bangladesh nung mezüngbuba university lir aser ibala mesükba university tanga mali. Iba university ya South Asia nung tajungtiba ka ta züngshir.
BSMMU nung yipten 1500 lia lapokba sülen nungi anema aliyim tsütsü teyari tajungtiba agüja arur.