Behiang jila nung tanabuba trade centre lapoktsü: Biren

Imphal, December 21 (Agencies): Manipur chief minister Nongthombam Biren Singh-i, par sorkari Churachandpur district kübok Behiang jila ya Centre indang Act East policy nung shilem ka ama Southeast Asian linük tem den sendaktepba tanabuba shishilembadak tesem ka ama yanglutsü asoshi sangdongogo.
Sorkari Behiang jila nung trade centre ka amenoktsü aser iba atema iba tesem nung talisa Churachandpur aser Behiang na tsüngda lenmang km 62 aliba ya tali tajungba küma yanglushitsü nüngdaker. Iba olen ya Churachandpur nung Zou kin nungi nüjiso asoshi rarartem nem tetushi agütsüba sentong ka ayongzüka akaba mapang o jembidang Biren Singh-i ashi.
Behiang jila ya India aser Myanmar arrtsü nungi km 4 pilar lir aser Tengnoupal district kübok Moreh jila sülen iba jila ya Southeast Asian linük tem den sendakteptsüba atema tanabuba jila akümtsü.