Belgian GP: Rosberg-i pole jenjang angu

Spa-Francorchamps, August 27 (Agencies): Germany nunger Formula One (F1) gari toktepa anishir, Nico Rosberg-i tatembangba tetendangba tetoktepba nung alizüng mezüng tonga, asüng, Deobar nü agitsü ayongba Belgian Grand Prix (GP) tetoktepba nung pole jenjang nung shilem agitsü temeten tanü, Honibar nü ajangzükogo.
Mercedes telok gari anishisang, Rosberg-i taküm küm tenzüker tan agi pole jenjang 5 buba aser gari toktepa anishitsü tenzüker tanü tashi nung pole jenjang 28 buba angur lir.
Rosberg sülen anidaka, Netherlands nunger Max Verstappen aser Ferrari telok gari anishir, Finn Kimi Raikkonen nati tanü tanabuba aser tasembuba jenjang ajangzüka liasü.