Belgium nung oagi alitsü imlar : Puigdemont

Berlin, Rongchii 07 (Agencies) : Germany nung okadak tepdaka ken o tembangba sülen Belgium lima nung oagi alitsü teimla akar, ta tanü Küptoknü taoba Catalonia lenir, Carles Puigdemont-i metetdaktsüogo. Germany nung lia pa yashi bail nung tepuokdak nungi chiokogo.
“Belgium lima tanaben meyipa aotsüji kü teimla lir. Aji oda süaka, idagi Germany nung maparen ajak tembangba sülenang ni aotsü,” ta Berlin yimti nung osangbenertem den jembidang pai metetdaktsü.
“Tangbo kü sentongji Berlin nung dang lia atatsü. Okadak tepdaka aliba maparen metembang tashibo iba ya ni alidak lir,” ta paisa shisem.
Berlin yimti nung koba tsütsü alitsü (?) ta metetnüa asüngdangba mapang, “Ibajibo police-i dang meteta lir,” ta pai menürema langzü.