Belgium sepaitemi nuclear station tem mita anüktsü

Brussels, March 6 (Agencies): Belgium nunger sepai tajemba agi parnok 140 shi nem linük nung aliba ‘nuclear’ tesemtem kanga junga mita nükdaktsütsü mapa lemzüktsüogo, ta Hokolbarnü Belgium cabinet ajanga sangdongogo.
Iba ama security akhangshiba ya yaküm November ita Paris nung lendong atalokba mitsü asoshi Belgium Interior Minister Jan Jambon-i tenzükba maparen lir, ta TV news channel RTL Info nung ashiba Xinhua-i metetdaktsü.
Panoki kiralongrar ka ket nungi ngutetba video ka nung Belgium nung aliba nuclear kar ano amaktsü sentong aliba angu, ta osang ajanga ashi.
Sepaitemi kanga junga mita anüktsü aliba nuclear plants temji Doel, Tihange, Mol, Dessel aser Fleurus tem lir. Security talila atema senotzü nüngdakbatem electricity company Electrabel tebilemtsü asütsü.
Belgium nung tang sepai 740-i mita aoba mapa inyakdar. Linük nung kiralongra tebilemtsüji level asem buba nung lir, ta Coordination Unit for Threat Analysis (OCAM) ajanga metetdaktsüogo.