Belt Wrestling selection akatsü NWA-i sangdong

Kohima, Luchii/December 19 (TYO): Nagaland Wrestling Association NWA-i, wrestler tejangrar ajak dang 64buba SGFI National School Traditional Wrestling Championship 2018 Belt Wrestling nung shilem agitsü asoshi Belt Wrestling selection Luchii/December 28 nü IG Stadium nung akatsü sangdongogo. 2018 Belt Wrestling ya Belagavi, Karnataka nung 2019, Aenjeti/Jan 6 nungi 8 nü tashi agitsü.
Asayartem ya item weight telemsa nung shimtsü: Tebur: 40, 45, 50, 55, 60, 65, 70 and +70 Kgs aser tetsür: 35, 40, 45, 50, 55 and +55 Kgs.
NWA General Secretary, Vekhozo-i sangdong ka ajanga shiba agi, Government School kaketshirtem shirnoksa Class-12 tekübok aser arishi küm 19 tekübok lir parnok ajak iba asayar shimba sentong nung shilem agitettsü. Iba dak sendakba nung tejangrartem ajak item kuli kaket; School ID Card, Birth Certificate, Aadhar Card aser School Cumulative Record Book renema bener arutsü metetdaktsü.
Kasa sangdong ajangasa teshimtetba asayartem atema 2019, Aenjeti/Jan 3 nü tashi Coaching Camp ka ayongzüka akatsü aser iba mapang nung parnok nem chiyongtsü, senzüsenpongba Allowances agütsütsü ta sangdongogo.
Nagaland team ya Nagaland Wrestling Association NWA kübok shilem agitsü aser SSA, Nagaland-i senotsü teyari agütsütsü. Osang tejangjaba agitsü asoshi NWA, General Secretary, Vekhozo den iba number; 9612111544 ajanga tongteprateptsü kasa sangdong ajanga metetdaktsü.