Ben Affleck den balaba sülen Jennifer Garner mapa inyaktsü tenzükogo

Los Angeles, July 8 (Agencies) : Actress Jennifer Garner-i tebuba Ben Affleck den balaba sülen anogo ishika lir Atlanta, Georgia nung mapa inyaktsü tenzükogo.

Arishi küm 43 tain Jennifer-i lar tanurtem Violet, Seraphina aser Samuel nunger anir Atlanta tongogo, ta Ace Showbiz osang ajanga metetdaktsü.

2016 nung sayatsü aliba ‘Miracles from Heaven’ movie atema la Atlanta-i aru.

Iba movie yangluba tesem nung Jennifer-i kiyimba küri enoka liasü.

Ajisüaka, Deobar nü arishi küm 42 tain Affleck-ibo Brentwood, Los Angeles nung sentong ka nung kiyimba küri meinok liasü.

Jennifer Garner aser Ben Affleck na küm 10 tashi liyonga aruba sülen taküm June ita tatemlen balaba osang metetdaktsü.

Tena bala aka Jennifer aser Ben na Brentwood nung tena meyong kimung nung külemi dang alitsü telemtetba agi. Ajisüaka tena ki balala nung alitsü. Iba ya tanur külemi reprangtsü onük nung ajemdaker telemtetba agiba lir.