March 01, 2016 (Agencies) : Arishi küm 46 tain, Jennifer Lopez aser Ben na 2002 nungi 2004 tashi medemer külen kibong akümtsü tashi mulungtepa liasü, ajisüaka kibong akümtsü anogo ishika dang lia media-i osangtsüsang onsara prokba ajanga ati’er ta shia kibong mekümi atiba ajanga nüburtem kanga süngmangdaktsü. Tena tsüngda tesentaktep kecha balaka meliaka Jennifer-i tesüiba mapa la medema arusang, Ben teperem zükbanga sentsü aika agi atepba teptsü tang tashi bilemteter.
“Iba teptsüji kecha majung! Na aji kechi asürba ?” ta Jennifer Hombar anonung (Feb. 29, 2016) Watch What Happens Live! Sentong nung adokdang ashi. Lai, “Pa dak aliba teptsüji sentsü onsara, iba teptsü nung sentsü paikaji menüngdak saka tereprangtsü tesüngjem asütsüla,” ta shisem.
Iba teptsü den külemi ano pa tepi tazüng nung dolphin ka tepa lir, teben tachiji azüklen lunga barbed wire teptsü ka lir, kasa teben tetsünglanglen ango noksa balaka den tekolakret aser teret ana waitepa atepba teptsü lir aser tapu nung ojanga aika teploka lir.
Ben indang teptsütemji Jennifer dang dang majung masü aika asoshi majung.
Pa den kibong kümer küm 10 sülen June, 2015 küm bala aola kinüngtsü Jennifer Garner-i Vanity Fair magazine den interview ka agiba mapang item teptsütem indang shia liasü.
Jennifer-i Ben atema yamaji jembiaka tena tsüngda kecha tamajungbo mali. Tena Vanity Fair Oscars sentong nunga Deobar aonung külemi adenba nguogo.
You must be logged in to post a comment Login