‘Ben10’ yimya tasen ka nung angutsü

Mumbai, October 6, 2016 : Deobarnü nungi tenzüka, tanurtemi kanga saputepa reprangba Cartoon Network channel nung, animated cartoon series “Ben10” khenyongi teyakyak balaka nung angutsü.
Tang tajungba küma yanglushir aliba cartoon series, “Ben10” nung alien tesashi aika adoktsü aser pai item alien den kanga sashia raraba angutsü, ta sangdong ka ajanga metetdaktsü.
Iba series ya nisungi puratetba ‘Ben Tennyson’ otsü lir aser iba otsü nung pa den pa adianu Gwen aser shisa taka tebuo, Max parnoki meyi sodi kodanga matemtsü mesükba ka ajurushiba angutsü. Iba series tasenba nung Ben-i alien tem meyong ‘Omnitrix’ putetba angutsü. Omnitrix ya alien temi kechisarena ajak metetba oset ka lir aser iba ya ajanga Ben-i alien balala 10 kümtettsü.
Ben-i iba otsü nung Dr. Animo-i alima ajunga amanglemtsü sentong yangluba indang tebilemtsü tulu, Nanny Nightmare-i lendong agütsütsü sentong yangluba aser tetsübutsü shiruru tulu den tasü ita raraba ajanga nisung mashi ka süaka tangari tasü tait nisung ta züngshitsütsüsa akümba kuli sayur.