Bendang Walling-i direct asüba film “Blissful” asadangba osang

November 11, 2016 : November 03 nungi 06, 2016 tashi munga tembangba Dharamshala International Film Festival (DIFF) sentong nung OFF ON Production Pvt. Ltd kübok Bendang Walling (Director) aser Aakum Den (Editor cum APO) nati nükla tulu yur tena indang mezübuba film tatsü (Short Film) sayua liasü.
Bendang Wallingi kanga junga direct asüba film ‘Blissful’ ya tebur chanu kati bicycle ka aginüba otsü lir. Iba tanur dak tejangraba aser taginüba yimya ngua asenoka pa bilemba nungji densematoker.
Film yanglur Anupama Srinivasan-i iba film kanga junger ta agizük. Ano Film yanglur Umesh Kulkarni-ia iba film tanga tanur adenba film nung temulung shirangdaktsüba ama masüba agi kanga jungdaktsür ta nükshia ashi.
Ibai mezüng film ka memesük kanga junga yanglutet kechiba süra film ajanga kechi shiner ibaji kanga jangja sayuteter. Iba film ya tatem tonga tamendakdak nungi masetshii tangoktetogo.
Srinagar, Jammu & Kashmir nungi film yanglur Mehak Jamal ‘Blissful’ ya tanur film lir saka asen shisatsü nung koda masüba tensa den putepa film ka lir, ta ashi
Ano Haflong, Assam nungia film yanglur Vishal Langthasa-i, ‘Blissful’ film agi asenok tanur asüba mapang kecha tebilemtsü makai mangsa asemzüba mapangi tanaben meyipa anir aoer, ta ashi.