Bendangakum-i National Rural Games 2016 nung shilem agi

Dimapur, August 29 (TYO): Tamil Nadu state kübok Cuddalore nung agiba National Rural Games 2016 nung All Nagaland Kung Fu Association (ANKFA) Tir, Bendangakum Walling-i chief referee süa tongti shilem agiba osang ka ANKFA nung General Secretary, Temsu Lemtur-i tanü sangdong ka ajanga metetdaktsüogo.
Rural Games Federation of India (RGFI)-i ayonger Cuddalore kübok Jayapriya Vidyalaya CBSE School nung tan August ita 26-28 nü tashi agiba National Rural Games tetoktepba nung Kung Fu (Under-19)-a densema liasü.
“Tawa Indian Kung Fu Federation (IKFF)-i National Referee Certificate agütsüsang, Bendangakum-i National Rural Games nung tetendanger ka ama shilem agiba ajanga Nagaland nung tentetba martial arts saisapongtsü shilem temaba nung ajungkettsüogo,” ta Temsu-i kasa sangdong ajanga metetdaktsü.