Bendangleni nungi arua alirtemi aibelenba metetdaktsütsü:US

Washington, January 26 (Agencies) : US Tir Donald Trump-i pai aniba sorkar tasenba dang tanga linük nungi linük nung teti atema arua alirtemi ozüng alema inyakba hopta shia metetdakjang ta tuyuba osangbenertemi metetdaktsü.
Trump Tir mendeni tur anogo pungunü buba nung sign asüba immigration order nungji bendangertemi US nung ozüng alema inyakbatem temai adoka metetdaktsütsü dena lir, ta Brihostibarnü adok osangkaket nung shia lir.
Iba inyakyim ajanga bendanglen nungi arua aliba US lisopur jenokba tesemtem nung kongshitsü.
“Iba ama tejenokdak tesem nung alirtemi lendong agütsüba indang nüburtem nem kanga junga metetdaktsütsü asoshi Secretary-i hopta shia Declined Detainer Outcome Report (DDOR) amshitsü. Ibaji ajanga bendanger arua alirtemi lendong agütsüba aser ozüng alema inyakba tali jangjatsü,” ta Tiri tetuyuba agütsüba nungji shia lir.
Ajisüaka iba tetuyuba nungji ozüng alema linük nung jenoka alirtemi aibelenba kija tuteta metetdaktsütsü aser masüar tejangja shia mali.