Bengal film director Aurobindo Mukherjee süogo

February 11, 2016 : Bengal film director Aurobindo Mukherjee tain kümer temang nung timtem adoka Kolkata nung süogo. Pa arishi küm 96 nung Bodhbarnü asü, ta par kinüngertemi metetdaktsü.

Pa ya sangrema lia jabaso ana den jala ka yutsür iba lima nungi pila.

Pa June 18, 1919 nü Katihar, Bihar nung aso aser film industry nung shilem agitsü mechi medical college nungi anen. Pai 1959 küm mezüng yangluba “Kichukkhon” film ajanga ‘President’s award’ ngua liasü.

Pai küm 40 film mapa inyaka arudang film 26, tele-film 3 aser TV serial 1 ta yanglua lir.

Pai yangluba “Dhonyi Meye” (1971) aser “Mouchaka” (1974) film tem ya Bengal film rongnung kanga tajungtem lir.

1970 küm Mukherjee-i ‘Nishipadma” film direct asü aser iba film ji Shakti Samanta-i Hindi nung “Amar Prem” küma yanglushi. Iba film nung Rajesh Khanna aser Sharmila Tagore nati tongti shilem agi. Hindi agi yanglushiba nung Mukherjee-i screenplay zülu aser iba film ajanga 1973 küm pa Filmfare Award ka angu.

Pai ano 1961 küm Cannes Film Festival nung sayuba film “Ahban” den “Agnishwar”, “Barnachora”, “Kenram Becharam”, “Notun Jiban”, “Nayikar Bhumkay” aser “Mantramugdha” film tema yanglua lir.