Bengal nuang factory apokdang nisung pezü asü

Kolkata, July 05 (Agencies) : Mongulbarnü West Bengal Howrah district nung aliba aluminium muluba factory ka nung boiler ka apokdang nisung pezü asü aser nisung ana kanga mejungi yiru, ta police-i ashi.
Iba lendong ya Dhulagarh industrial complex nung aliba aluminium plant ka nung atalok.
“Lendong nung asür aser yirur ajakji boiler apokba anasa mapa inyaka liasü. Lendong atalokba metettsü atema bushisüngdang mapa tenzükogo,” ta Superintendent of Police, Howrah, Sukesh Kumar Jain-i ashi.