Bengal nung Hon shibelener ka apu

Kolkata, Feb 05 (Agencies): West Bengal aser Bangaladesh na arrtsü anasa North 24 Parganas district nung nisung kati sen lakh 9.53 alang hon lung ka bena lia apu, ta Hokolbarnü Border Security Force (BSF) ketdangsertemi metetdaktsü.
Iba nisung ya Ghojadanga arrtsü outpost nung mita aliba BSF, 144 battalion temi Brihostibarnü apu.
“Hon bena alisang ya Bangaladesh tsütsü arrtsülen nungi aruya-a lia BSF-i soter pa dak mita bushisüngdangba mapang hon lung sen lakh 9.53 ka bena aliba ngutet. Pa aser pai bena aliba hon lung custom ketdangsertem nem bendanga agütsüogo,” ta BSF otongdar kati ashi.
BSF-i taküm küm tenzüker nisung asem ket nungi sen lakh 58 alang hon pua arua lir.