Bengal nung küm 4 tsüngda nung nisung lakh 68 mapa nguogo:Mamta

Kolkata, Feb. 16 (Agencies): State nung lanur lakh 68 mapa nguogo aser tetsür o tebur lakh 15 dak tema traning balala nungi tangazükba tajung ngugo, ta Mongulbarnü Kolkata nung state Chief Minister Mamata Banerjee-i metetdaktsü.
School züngpeter anenertem atema ‘Utkarsh Bangla’ training sentong lapoktsüba mapang Banerjee-i, polytechnics aser Industrial Training Institutes tem nungi pass asürtem noklang nung shilem 75 nem lar sorkari training temli mapa agütsütsü merangtsü, ta ashi.
“Küm pezü tsüngda nung nisung lakh 68 nem mapa agütsüogo aser lakh ana nem mapa agütsütsü atema tang inyaktepdar. Kasa mapang training agir lakh 15 dak tema nungi nisung lakh 10 bo mapa nguogo, ta ashidang lai, küm shia school-i mao anener lakh trok nem traning balala angütsütsü, ta shisem.
Training takok ngua agitetertem nem küli kaket agütsütsü aser iba training ya ‘vocational education department’-i acha ayangtsü.