Bengaluru nung journalist Gauri Lankesh khaset

Bengaluru, September 5 (Agencies): Bengaluru nung nisung kari senior journalist Gauri Lankesh lar kidang khaset.
Nisung pezü Rajarajeshwari Nagar nung lar kidangi aru aser la dak injang khaloktsü ta osang angazüker.
Gauri Lankesh ya Lankesh Patrike ta ser hopta shia adokba osangkaket ka nung yimozülur liasü aser laisa osangkakettem nung columnist, TV channels nung panelist aser activist ama inyaka aru.
Lankesh-i Hindutva anema nokdak aser yaküm lai BJP lennir kar anema osang adokba sülen MP Pralhad Joshi-i okadak la anema ken o benoka liasü.
Lankesh tedi Indrajit-i la tepsetba ken o ji CBI nem agütsütsüla kechiyong la anema defamation case aika benoka lir, ta taonung osangbener dang ashi.