Bengaluru nung KCP telungpur 3 apu

Imphal, February 26(Agencies): Manipur police-i Bengaluru police teyari agia Bengaluru nung Kangleipak Communist Party (KCP) Agamba faction indang finance secretary aser pa den teyariteper ana puogo.
Manipur aser Bengaluru police külem telok kati February 19 nü Ashwathappa Building, Gurangute Palya nung KCP, Agamba faction züngsem asemji apu.
Tongti süa tai tongloktsüsangji Sarangthem Guneshwor Singh ta jangjaogo aser pa den yariteper anaji- Lairenlakpam Manihar aser Thangjam Nandakishor na lir. Sarangthem ya Kongpal, Imphal East district nungi lir aser Lairenlakpam o Thangjam na ya Hilakandi, Assam nungi lir.
Par asem yagi Imphal nung bank ketdangsertem amokmeren aser tashiyim agi sen meshi. KCP, Agamba faction-i bank balala nung general managers aser chairmen dang nungi sen crore kaka meshi aser magütsüra merenshitsü ta amokmerena liasü.
Sarangthem Guneshwor Singh yagi Manipur nung microfinance company ka tenzük saka iba company ket nung sen mali akümba sülen 2017 küm pa Assam-i jena ao. Idak nung jagi pa Bengaluru-i ao aser tashiyim agi sen meshiba mapa inyaka aru.
Anogo tenetnü transit remand nung par asem Imphal-i anir aruogo. Bushisüngdang asüdang parnok ket nungi mobile phone 3 aser taitsü aketba kulikaket kar ngutetogo, ta police-i ashi.