Bengaluru, January 21 (Agencies): Bengaluru nung arishi küm 31 tain, tetsür ka la aliba apartment nung tepseter lia angu.
Multinational company ka nung software engineer, Kusuma Rani Singla ya Mongulbar aonung Kadugodi tesem nung la aliba kidang tepseter lia la den külemi alilai angu.
Singla ya amitsür aser ita trok tejakdang Noida, Punjab nungi Bengaluru-i transfer arua liasü.
Iba tatalokba dak sentakba nung police teyari ajanga Gurgaon, Haryana nungi Sukhbir Singh pua lir.
Sukhbir Singh aser Kusuma Rani Singla na social media ajanga medema liasü.
Ashiba agi, Singh-i Singla den ajurutepba mapang la dang nungi sen 50,000 den tayimtsü ticket meshi saka lai magütsü.
Iba tejashi nung Singh-i laptop charger indang wire agi la alenseta südaktsü aser iba den külemi la tenük küm achijilen pen agi tupokba taraka liasü.
Additional Commissioner (Bengaluru-East), P Harishekaran-i, “January 19 nü Singh Delhi nungi Bengaluru atong. Pa nikongdang 12:15 ako nung Singlar’er ki atong aser yangji nikongdang 3:30 ako tashi liasü. Iba mapang tena tsüngda mangatettep adoka pai la tepset,” ta ashi.
La tepsetba sülen Singh-i la meyong ATM card tem aser chequebooks ajak bener ao. Ajidang masü saka Delhi-i mapuso tsüngda pai Singla account nungi sen 11,000 agizük.
Singh ya Haryana nungi lir aser company kar nung software engineer inyaka liasü, ajisüaka tangbo kecha meinyaker.
You must be logged in to post a comment Login