Bengana Pickle yangluba inyakyim

– Ms. Rongsennungla Imchen,
Deputy Project Director, ATMA, Mokokchung.

Nisung ka taküm alitsü asoshi chiyongtsü tabensa nüngdaker. Süngjang lijang aser aonsotsü tapu balala nung vitamin, minerals, anti-oxidants aser fibers amala nutrients peria ali asü nung, meimchir temang anema alitsü asoshi, süngjang lijang aser aonsotsü temya chiyongtsü tajung rongnung ka ta-a shiteter. Süngjang aser aonsotsütem nung tzü timba lir  asünung mangrang aser mesen tapu balalai raksatsütsü temela. Iba yongji yamala chiyongtsü ya agizüker külen 20% – 30% tashibo lalur. Aluyimertem yamala takoksa jenjang nungi kümzüktsü asoshi chiyongtsü yakta meraksai item kümzüka ayutsü aser jenjang tali ketdaktsütsü inyakyim ya kanga tongtipang lir.
Bengena (tomato) pickle  yangluba yimya
Tenüngdaktsütem:
1)   Bengana          – 750gm
2)   Mersü tajem  – 250gm
3)   Süngmok        – 50gm
4)   Lusen              – 20-30gm
5)   Haldi               – 1½ teaspoon
6)   Sarso (Mustard powder)       – 3 teaspoon
7)   Garam Masala                         – 2 teaspoon
8)   Ajar masala/paanch puram  –  4 teaspoon
9)   Vinegar                                     – 100-150ml
10) Sarso totsü (Mustard oil)      – 250ml
11) Metsü                                       – Anangtsüsa
1) Bengana aser mersü ya merükmerüka shitoktsü aser tzüji kongdakjang mesüra sü temerük ka amshia tzüji bengena nungi aidokang.
2) Bengana pickle yanglutsü atema bengana tamen jepsa orr alibatem mesüra tzü kanga alibatem masü saka takang aser tamen benganatem shima amshitsüla.
3) Mersü tedongtem indoker medonglen tatsü ka lemsaang.
4) Bengena teyonglen tedong aliba (stalk portion) indoktsü aser bengana size tulu-i piece terok-thi aser size tilai pezü küma lemsatsü.
5) Bengana aser mersü bowl temerük aser takong ka nung meyokteptsü.
6) Süngmok aser lusen teküp saar paste küma menüngsatsü.
7) Sarso tejang merüker, tzü nung shitoker kongdaktsütsü. Kadhai ka nung milak (flame) tila nung mamen tashi awangtsü aser grinder nung menüngsatsü. Iba ya sarso powder ama amshitsü.
8) Paanch puram kadhai nung flame tila amshia tatsüka atema awangtsü. Iba ya merungdaktsüi tera teronem adoka awangtsüla aser grinder nung menüngsatsü.
9) Haldi, sarso powder, paanch puram/ ajar masala, garam masala aser metsü tasazük shilem mesüra pei taste api bengana aser mersü den meyokteptsü aser side nung ayutsü.
10) Sarso totzü (Mustard oil) kadhai ka nung enoker mendakjang.
11) Totsü menür külen lusen aser süngmok paste külemi tatsüka flame tila nung light brown küma asangtsü.
12) Bengana, mersü aser masala mixture totsü nung külemi lusen aser süngmok denji asangtsü.
13) Flame/heat supply isaab süa bengana mamen tashi asangtsü.
14) Menür külen vinegar 100ml-150ml enoker junga meyokteptsü aser tomato pickle ji mokongdaktsütsü.
15) Temerük aser sterilize bottle ka nung mokonger sülen enoka junga shibanger ayutsü.
16) Iba ya chiyongdang mesüra fast food den amshia jitetsü.