Benghazi nung Libya mitkar 11 tashi pokset

Benghazi, July 07 (Agencies): Libya kübok Benghazi yimti nung car gari nung alenokba bomb ka pokdaktsüba sülen Libya mitkar züngsem 11 tashi yashi, Bodbar nü poksetba osang ka Libya mitkar lenirtemi tanü, Brehostibar nü metetdaktsüogo.
Mitkartemi Ramadan lumitsüren tembanger amongba Eid al-Fitr benjungmong den sentakba sarasadem mapang ka agidang yashi bomb lendongji atalokdaktsü ta parnoki ashi.
General Khalifa Haftar-i aniba mitkartemi taküm 2016 küm tetenzüklen Islamic telungpur timbaka Benghazi yimti nungi makdok saka telungpurtemi tan atalokdaktsüba amala pokshitsü aser amakba lendong tanga Benghazi nung maneni atalokdaktsüba osang bushiteta lir.
Taoba June ita 24 nü bomb lendong atalokdakja nisung 4 tashi poksetdaktsüba aser taoba Deobar nüa car gari nung alenokba bomb ka pokdakja nisung 2 tashi pokseta lendong atalokba sülen tan lendong ya maneni ataloker lir.