Benjongtem Rongnung Tewangshitiba

~  Mr. R. Lipok Jamir, Aoyimti.

‘Khristmas ya Yisu ronem’ Yisuji tebu Tsüngrem tematiba temeim, nisungtemi chichia amangtsüsa Pa shi nung aso, Pa atangji kotak nungi alu.
England nunger sangro zülur mongin Charles Wesley-i 1776 küm Yisu asoba mongpu nung züluba sangro, ‘Tsüngrem ajaso chir ajanga asenok taküm alitsü asoshi, Tsüngremi pa alimai yok; idaki asenok dang Tsüngrem temeim jungkai adok. Asenoki Tsüngrem dang meim masü, saka paiang asenok dang meim, aser asen temenen atema tekümtet tenla pai pei chir yok’. 1 Yohan 4:9-10
Charles Wesley-i item Lai tekong dak rangloker yamai zülu; Ao Osangtajung Ken 367.
* Tematiba Tsüngrem temeim, kotak nungi alu;
Onok taküm nung na liang, ni taochi ngudakjangma..
Yisu aria bilemsang, ne meim masadangtet;
Ne tekümzüktsü arua, onok mulung semdangang.

* Timtemba mulung shia nung, ne tanela apuokjang
Onok ne dak senmang ngua, nai nangzükba süngzük kua;
Menen mulung ainshidakjang, na tetenzük tatempang;
Onok tamang tatem tonga, mechimetsüsa sotang.

* Takoksang; onok kümzükang, ne taküm agizükdi;
Ne dangi yakta meyipdi, joko na metoktsüli;
Onoki na moatsütsü, na uluja tenzükdi;
Maneni sarasadema, ne meim nung wangshidi.
Khristmas :
* Ali wadang tempanga anisüngzükba benjong ka masü.
* Ali rongsen tangutsü alibatem kübzüker pelatsü benjong masü.
* Aritepa apudena sentsüh küptoker tangula sazüka benjongtsüba masü.
* Anakdena bushia süboloker pelateptsü benjong masü.
* Ayongteper tapayutsü shiruru temchia chiyungtepba benjong masü.
* Aritepba sentsüa tsüloka ki tapok atepshia, kilem sentsü tepshir benjongba masü.
* Waaah! Waaah! ta tamasa yitepba amajok pela agi Yisu aridokba benjong masü.
Saka Tsüngrem shibai Yisu ajanga asen menentem kanga shisanga tatok agütsü asenoki Pa dangang kanga aaktsüla aser Pa angatettsüla, Pa agizüktsüla. Joko Pa nungi anguba tatok, temeim, tepela, tesünep, yimjung itemji asenok dak jungkai adoka benshir ka ka kümdi. Asenoki Pa tushia wangshitsüdi aser moatsüdi. Amen.