BenQ company India market nung ‘Projector’ timba ayoker lir

New Delhi, February 15 (Agencies): Smart & digital tsütsü shilem tulu agiba company BenQ ano maneni India projector market nung shilem agir tulutiba tenüng nguogo.

2015 küm BenQ-i market share noklang nung shilem 22 parnok ket nung yua liasü aser 2014 küma parnok share noklang nung shilem 19 liasü, ta market tsütsü bushisüngdanger telok ‘Futuresource Consulting’ osang ka ajanga metetdaktsü.

BenQ-i 2014 küm projector 44,000 dak tema ayok aser 2015 kümbo ibaji ajateta projector 50,000 dak tema yoktetogo.

“Projector ayokba tsütsü BenQ ano meneni No.1 jenjang nung lir aser 2015 küm onoki projector 50,000 dak tema yoktetba ajanga India market share nung noklang nung shilem 22 tongtetogo,” ta company nung managing director Rajeev Singh-i sangdong ka ajanga ashi.

“School tem ajanga onok kanga ajangzükogo. 2015 küm Market shilem asemsü nungi anasübo India nung nija school takdang asem dak nungi angur. Kechiba süra nija school takdang asem nungi ana nungbo onok indang projector tem lir, ta pai shisem.