BenQ-i ZOWIE RL2455S e-Sports monitor sayaogo

Luchii/December 15 (Agencies): BenQ indang e-Sports brand ZOWIE-i e-sports monitor RL2455S sayaogo. Iba monitor respone time ji 1ms (milisecond) lir. e-sports monitor ya taoba RL2455 model den tatongtep asütsü.
Tang brand-i sayaba monitor nung Colour Vibrance Technology adjustable feature keta aliba angutsü koba ajanga tamshirtemi aginüba ama baqckground nungi ayong ayonga colour tone tuning süa amshitetter.
ZOWIE RL-series e-Sports monitor ya PS4 e-Sports nung ajangshiba ama feature tem inoka design sütsüogo. Alima ajunga nung e-Sports asayamung aser asayar mongintemi kanga sapua amshir.
Tang PUBG game mobile nung dang masü saka PS4 nunga asayatetter aser tawa iba game atema tawa Colour Vibrance feature bendenloksemtsüogo. Ibayongji, e-Sports jangrartemi pei sapuba game tem ZOWIE RL2455S nung asayatettsü.
Asayamung nung mesüra kidang game asayaba mapang tetsükdaktsü aser timtem meli asayatsü asoshi ZOWIE RL2455S indang refresh rate 75Hz aser 1ms response time nung yanglutsüogo.
ZOWIE RL2455S jenjang ya sen 15,000 asütsü aser India nung monitor ya Amazon aser teshimtet retailer ajanga angutsü.