Bentley Bentayga SUV mezüngbuba England Chubatsür-i alitsü

September 16, 2015: Britain nung luxury gari yanglur, Bentley-i tan mezüngsüa yangluba SUV ya Frankfurt Motor Show mapang saya liasü. Iba gari ya SUV rongnung jenjang tasaktiba aser England Chubatsüri tama alitsü ta osang angashiogo.
Bentley nung CEO, Michael Winkler-i, “Iba gari mezüngbubaji England Chubatsür asoshi mekaja lir,” ta Telegraph osang ajanga ashi.
England Chubatsüri iba SUV ya taoba hopta tendanga anidangogo aser lai, iba gari ya Scotland nung lar aliba tesem nung mapang intoka aser südoksenema senzütsü asoshi amshitsü, ta ashi.
Bentley Bentayga gari ya sen jenjang asakba aser tanga gari dang nungi tajungba dang masü saka SUV tem rongnung tekaratiba gari ka lir.
Bentley SUV nung ‘twin-turbocharged 6.0-litre W12 engine’ keta aliba ajanga ‘600 horse power’ den ‘900Nm torque’ tashi agütsür.
Bentley Bentayga yagi ghonda ka nung kilometre 301 kara aor aser ibaji ajanga alima nung SUV ajak dang tekaraba ta tali jangjar.
Iba tekara aser tashi tulu aketba gari ya 2016 nungi ayok tenzüktsü.
Memeteti ka ali nunga, alima nung tang aliba SUV tekaratibaji ‘Porsche Cayenne Turbo S’ lir. Iba gari yagi ghonda nung kilometre 283.24 kara oteter.