Mexico City, February 27 (Agencies): Australia nunger Bernard Tomic-i semifinal asaya koka tang tasayadak Mexico Open tennis asayamong final asayatsü jenjang yashi, Hokolbar nü nguogo.
Tomic-i yashi points 1-6, 6-4, 6-3 ngua Ukraine nunger Alexandr Dolgopolov madak semifinal asaya akok.
Tan asayamong nung 5 buba jenjang abensang, Tomic-i 2012 Australian Open sülenbo Dolgopolov madak tan mezüngsüa takok angur lir.
Tomic-i tan final asayatsü jenjang anguba ya pai tennis asayatsü tenzüker tanü tashi nung ATP Tour final 5 buba nung shilem agitsü jenjang angur lir.
Tomic-i Austria nunger Dominic Thiem den final nung ajuruteptsü.
Thiem-ia points 6-2, 6-2 ngua America nunger Sam Querrey tanabuba semifinal asaya nung tsükdaktsü.
Tetsür singles shilem nunga Slovakia tsür, Dominika Cibulkova aser America tsür, Sloane Stephens nati final asayatsü jenjang ngua lir.
Cibulkova-i points 6-3, 6-3 agi America tsür, Christina McHale semifinal nung tsükdaktsü aser Stephens-ia points 6-2, 6-0 ngua Germany tsür, Yanina Wickmayer madak takok ngua final asayatsü jenjang angu.
You must be logged in to post a comment Login