Best song nominees timbaka Oscar nung shilem magitsü

Aenjeti/January 26 (Agencies): Tsüklai/Feb. 24, 2019 nü agitsü aliba Academy Awards show sentong nung Oscar atema nominee sür aliba ken pungu nungi ken anati dang shilem agitsü akok, ta osangtem ajanga metetdakja liasü.
Osang balala ajanga angazükba agi, chart nung jenjang temaba ken ana – Kendrick Lamar aser SZA indang ‘All the Stars’ (Black Panther) aser Lady Gaga indang ‘Shallow’ (A Star Is Born) nem taruba sentong nung shilem agidaktsütsü atema Academy executives aser show producers temi telemtetba agia shima liasü.
Ajisüaka, tanga ken asem – ‘The Place Where Lost Things Go’ (Mary Poppins Returns), ‘I’ll Fight’ (RBG) aser ‘When a Cowboy Trades His Spurs for Wings’ (The Ballad of Buster Scruggs) ya sentong nung song nominees atema sangdongdang tenüngsang ang agütsütsü akok, ta kasa osang ajanga metetdaktsü.