Beyonce aser Jay-Z na ken ka atema longjemer

Mongputeni/October 04, 2019 (Agencies): Beyonce indang taruba project atema lai Jay-Z den longjemer ken tasen ka den music video yanglutsü aslentong yangludar, ta osang ajanga metetdaktsü.
Arishi küm 38 tain R&B superstar Beyonce-i tawa sayaba Disney indang ‘The Lion King’ film nung ‘Nala’ shilem agiba aser iba denji külemi laisa film ajanga ajungmesoba ken ‘The Lion King: The Gift’ sayaba ajaki ajaki jangjaa lir.
Iba ama takok ngur aliyongjia, Beyonce-i item takok nung anisüngzüka makazüi lai ano la kinungbo den duet ka yangludar.
”Iba music video ya Beyonce indang sen timtiba indoka yangluba project ka asütsü,” ta The Sun sangdong ajanga metetdaktsü.
”Iba music video shilem timbaka LA yimti nung tangoka liasü aser iba video nung tsüngsangba yimya balaka den nüknüratepba scene tem densema lir,” ta kasa sangdong ajanga metetdakja liasü.
”Iba project atema Beyonce-i tasa tasentem amshia inyakdar aser lai akok tashi tajungba nung yimyatem melenshia iba project yanglutsü ternemba lir,” ta osang ajanga metetdaktsü.
Beyonce aser Jay Z nati 2018 küm ‘Everything Is Love’ kensep ka The Carters nüngja agütsür sayaa aser ‘On The Run II Tour’ agiba mapang tenati iba kensep nungi kentem tena liasü.
Jay Z, shiba 2018 Grammy Awards sentong nung artists rongnung nomination timba ngua liasü saka award ka dang mengutet.
Maneni, Jay aser Beyonce na jala Blue Ivy, shiba arishi küm 7 lir, lai ‘Boss’ aser ‘Salud’ music video nung shilem tilala agia liasü.