Beyonce-i ‘A Star Is Born’ remake nung shilem agitsü

December 14, 2015: R&B kentener nüngtugu Beyonce Knowles-i ‘A Star Is Born’ film yanglushiba nung shilem agitsü. Iba film ya superstar Bradley Cooper-i “A Star Is Born” yanglushiba film lir.
2011 küm Clint Eastwood-i iba film direct asütsü alidang film nung tongti shilem agitsü atema arishi küm 34 Beyonce dang asüngdanga liasü aser tangbo Cooper indang production nung shilem agitsü lai molungogo, ta New York Post osang ajanga metetdaktsü.
“Beyonce-i molungogo. Bradley-i ano shilem agitsüpur tanüngba nisungtem bushitsü, ajisüaka pai-a shilem agitsüa akok. Pai akokba tashi agi ajak inyakdar,” ta kasa osang ajangasa ashi.
Beyonce-i tesütiba shilem agiba film ji 2009 küm ‘Obsessed’ liasü, aser tawa lai acting lesson agiba osang angazükogo.
Kentener Beyonce-i ‘Dreamgirls’, The Fighting Temptations’ aser Life Is But A Dream’ filmtem nunga shilem agia lir.