Beyonce-i MTV Video Music Awards nung shilem agitsü

August 10, 2016: Beyonce-i MTV Video Music Awards 2016 nung shilem agitsü; ‘Formation’ ken atenla VMAs nung awards 11 atema niominate süa lir aser iba sentong nung lai shilem agitsü atema renemshidar.
MTV VMAs 2016 ya August 28 nü Madison Square Garden, New York nung akatsü.
The Sun osangkaket ajanga ashiba agi, arishi küm 34 R&B star, Beyonce dang MTV-i la indang nüngtugu kentem ‘medley’ atentsü asüngdangogo, aser iba sentong nung shilem ka nungbo la tushitsü.
Osang ka ajanga, ‘Iba sentong nung shilem kabo la nüngtem nung agitsü atema sentong ayongertemi lar telok den jembidar. Parnok tongtibangba nükjidongji Beyonce nem la indang nüngtugu kentem ‘medley’ tendaktsüner. Ajisüaka tang tashi nungbo telemtetba ka dangi arua mali,” ta ashi.
Beyonce-i küm ka kija nung tominations timbaji taküm nguogo, ajisüaka la Madonna bo (nominations 20) memeneper.
VMAs nung Beyonce atema tongti tetokteperji Adele asütsü, shibai kensep ’25’ ajanga nominations tenet ngua lir.
Video of the Awards, Best Pop Video Awards aser Best Female Video award atema Beyonce aser Adele naprong shima lir.