Beyonce Knowles-i kensep tasen ka sayatsü

Los Angeles, January 23, 2016: February 7 nü Super Bowl asaya mapang tesadang nung Coldplay den külemi shilem agiba sülen kentener aser actress Beyonce Knowles-i mapang talangka ata aliba, la meyong kensep trokbuba sayatsü, ta osang kar ajanga metetdaktsü.
The Sun osangkaket ajanga ashiba agi, Knowles meyong kensep trokbuba ya yaküm küm tatemlen nungi renemer liasü ajisüaka lai Adele indang kensep ’25’ apongba anenerang sayatsü thinena ayu, ta aceshowbiz.com ajanga metetdaktsü.
“Tena indang kensep metsükteptsü mechi nung Knowles-i Adele nem yimli agütsü,” ta kasa osang ajanga ashi.
“Beyonce-i la indang kensep sayatsü asoshi kecha sensena mali saka lai tang ya Adele mapang lir ta angatet,” ta tenüng memetetdaktsüi la den inyaker kati ashi.