Bhagavad Gita ‘compulsory’ sayutsü indang bill benok

New Delhi, March 10 (Agencies) : Lok Sabha nung Hokolbarnü private members bills 103 benokba rongnung shisaliok rejutem ajak nung moral education subject ka ama Bhagvad Gita ‘compulsory’ sayutsü atema bill ka dena lir.
Bhagvad Gita indang private member bill ji BJP züngsem Ramesh Bidhuri-i benoka liasü. Iba bill ya nisung aikati magizüktsü aser maneni ashishitep ken o tulu ka adoktsü imlar.
India nung aiben Gita atema ashishitepa arur aser 2014 December ita nung BJP lennir Sushma Swaraj-i Gita ya ‘National Book’ ta jaloktsütsü junger ta jembiba sülen nisung aikati ola adoka ashishtep.
Maneni, Haryana nung BJP Chief Minister, Manohar Lal Khattar-ia 2015 küm par state nung aliba school ajak nung Bhagavad Gita sayudaktsütsü ta ashiba atema nisung aikati ashishitepa liasü.