Bhagyashree-i Salman Khan nem tenüngsang agütsü

August 02, 2015: 1989 küm sayaba nüngtugu film “Maine Pyar Kiya” nung Salman Khan den külemi tongti shilem agila, Bhagyashree-i Salman film tasenba “Bajrangi Bhaijaan” reprangba sülen pa nem tenüngsang agütsüogo.
Designer Rohit Verma indang store lapokba sentong nung osangbenertemi Bhagyashree dang, nai-a iba film repranger ma (?) ta asüngdangba langzüdang lai, “Ni iba film kanga meimogo. Ni Salman danga, pai shilem khenyongi tasen ka agiogo ta shiogo. Tan pai shilem agiba nung tereprangertem den balaka sentaktepogo,” ta ashi.
Bhagyashree-i mezüng Sooraj Barjatya indang “Maine Pyar Kiya” film nung shilem agia liasü, aser iba film nung la kanga dang tesüngjem aiür ka, aser Salman den meimtepa adoker. Salman-i mezüng shilem agiba film ji “Biwi Ho To Aisi” liasü, saka aikati pai mezüng shilem agiba film ji “Maine Pyar Kiya” ta züngshir.
Iba film nung Salman aser Bhagyashree nati shilem kanga junga agitetbaji tanü tashi aikati jembir.
Ajisüaka iba film nung shilem agiba sülenbo Bhagyashree kibong aküm aser tanur aruba ajanga film nung shilem agitsü temulung magütsü. Mapang tetsüngda talang nung khen khen dang lai South len aser Marathi den Bhojpuri film tem nung shilem agi.
Ajisüaka lai Salman den jembiogo ta ashibaji ajanga, tanü tashi tena tesentaktepbosa lir ta jangjar.