Bhambri-i World No. 12, Lucas Pouille tsükdaktsü

Indian Wells, Metsüremi 12 (Agencies): Davis Cup nung takok angusang, India nunger Yuki Bhambri-i Indian Wells Masters tebur tennis asaya nung World No.12 nung alisang, France nunger Lucas Pouille madak takok ngua tasembuba round tongtetogo aser Bhambri-i tennis asaya aruba rongnung takok tulutibaji iba ya alitsü.
World No. 110 nung alisang, Yuki-i iba asaya nung France nunger Lucas madak 6-4, 6-4 agi akok. Tena tsüngta ghonda 1 sür minute 19 asaya liasü.
Kasa asayamung nung America nunger World No. 21 nung alisang, Sam Querry-i Germany nunger Mischa Zverev madak 6-4, 7-5 agi koktetta tasembuba round nung Bhambri den asayatsü.
World No. 85 nung alisang, Sousa-ia iba asayamung tasembuba round tongtetogo aser pai Canada nunger No.1, Milos Raonic den asayatsü. Tanabuba round asaya nung Milos Raonic-i külem lisopur arishi küm 17 tain, Felix Auger-Aliassime madak 6-4, 6-4 agi takok ngua liasü.
Simona Halep advances at Indian Wells
Indian Wells tetsür asaya tasembuba round nung World No. 1 nung alila, Romania tsür Simona Halep-i America tsür Caroline Dolehide madak 1-6, 7-6 (7/3), 6-2 agi takok nguogo. Lai round of 16 nung China tsür Wang Qiang den asayatsü. Wang-i seed 14buba nung alila France tsür, Kristina Mladenovic madak 6-1, 6-2 agi akok.
Kasa asayamung nung Wimbledon takok marok anaben tashi bena alila, Petra Kvitova tsükogo. La ya arishi küm 16 tain, Amanda Anisimova-i straight sets nung 6-2, 6-4 agi tsükdaktsü.