Bhandari ADC-i nüburtem dang tekümdangtsü osang metetdaktsür

Wokha, Luroi/August 04 (TYO): Bhandari Additional Deputy Commissioner, Tiameren Chang-i sangdong ka ajanga Bhandari-Merapani-Golaghat area nung aliba yimtsüngtem nung alirtem, aluyimertem aser ainlen senzüsempongertem dang sangdong ka magütsü tashi Doyang ayong tzükümlen mesenzütsü tekümdangtsü metetdaktsü.
Chiteni/July 31, 2018 nü agutsüba sangdong ajanga ashiba agi, tzünglu maneni aruba ajanga Doyang water reservoir nung tzü kanga tali metsünga lir aser tesüiba anogo ishika Kohima area temalen tzümetsüng yimdar.
NEEPCO Engineer temi tanen makai tzü level repranga reservoir nung tzü level shidak ayutsü atema mapang shia tzü chiokdar, ta kasa osang ajanga metetdaktsü.