Bhandari nung timtemer nem teyari agütsü

Dimapur, Aami/June 21 (TYO): COVID-19 tashidak wara tali menatepa aoba azüoktsü mechi lockdown ozüng benoka aliba ajanga Bhandari Sub-division kübok timtem ajurua aliba nüburtem nem teyari agütsüba sentong ka Town Hall, Bhandari nung June 21, 2021 nü tenzüka liasü.
Iba sentong nung District Disaster Management Authority (DDMA), Wokha ajanga COVID-19 lockdown mechi timtema alir nem nüngdakba teyaritem agütsüba asoshi SDO(C) Bhandari & Border Magistrate, Merapani, T. Sulanthung Lotha-i pelaba metetdaktsü.
Jang, dal, alo aser shini amala aliba teyari oset ya tarutsü anogotem nunga Baghty, Champang amala administrative headquarter aser Merapani village (Marachü Yan) nung maneni administrative officer temi agütsütsü, ta pai metetdaktsü.
Iba sentong nung Lotha Hoho aser Eloe Hoho, Bhandari Town, Lotha Lower Range Public Organisation (LLRPO), Bhandari Town Students’ Union aser GB tem dena liasü aser nisung 300 nem teyari ya agütsü.