Bharat & Punjab teloki takok angu

Kolkota, December 22 (Agencies): Bharat Petroleum telok aser Punjab National Bank telok nati pei asaya koka, tang tasayadak 121 buba All India Beighton Cup hockey asayamong nung tanü, Brehostibar nü shilem agiogo.
Amir Khan-i hat-trick yangluba den, külem asayar, Sher Singh, Lalit Upadhya aser Harmanpreet Singh nungeri goal kaka agüja kanga junga asayaba ajanga par Bharat teloki goal 6-3 agi RCF Kapurthala telok madak takok angu.
Simrandeep Singh, Gurpreet Singh aser Karanpreet Singh nungeria goal kaka agüja kanga meranga asaya saka par Kapurthala teloki tamakok ajurua liasü.
Ano külen, Punjab telok asayar, Sukhdeep Singh, Gagandeep Singh, Gurjinder Singh, Gagandeep Singh aser Shamsher Singh nungeri goal kaka agütsüba ajanga par telokia goal 5-2 agi Bhubaneswar Hostel telok madak par asaya akok.
Bhubaneswar asayar, Nilamsanjib Xess aser Alok Barla natia goal kaka agütsü saka par teloki tanüngba goal 3 memeyiptsüteti tamakok angu.