Bharat Scouts & Guides council senden kaogo

Dimapur, October 08 (TYO): Nagaland State Bharat Scouts & Guides (NSBSG) 38 buba State Council senden September 30, 2015 nü State Headquarter Conference Hall, Bayavu Hill Kohima nung kaogo, ta NSBSG sangdong ka ajanga metetdaktsü.
Sentong NSBSG Tatong Tir Mrs. Sano Vamuzo-i ani aser Dist. Organising Commissioner (Guide) Mokokchung, Wt. Tovili-i temoatsü meshia sarasademba sülen State Commissioner (Scouts) Wb. Atuo Mezhur Sekhose-i lokti pela agizük. 2014-15 tsüngda NSBS-i inyaktetba osang Officiating State Secretary Wb. John Tochimong zünga metetdaktsüba den külemi NSBSG Annual Report 2014-15 Director YRS & Vice President NSBSG Wt. Asangla Imti sayatsü. State Treasurer Wb. Neibou Sekhose-i 2015-2016 atema budget osang metetdaktsü aser iba sülen Ex. MP, State Chief Commissioner, Khyomo Lotha-i Business Session bendanga agia liasü, ta sangdong ajangasa ashi.
Kasa sangdong ajanga ashiba agi, iba dak alia aruyaa aliba NSBSG Golden Jubilee, terenlok mapa den inyakyim balala tem kanga tongtibang onük kar jembitepogo aser 2015-16 atema item mapaji State-i benzükogo.
Senden tembanga melepzüng o State Commissioner (Guide) Wt. Thejazeu Khruomo jembia liasü.