Bharti Airtel-i Airtel Payments Bank atema sen 3,000 Cr inoktsütsü

January 13, 2017 (Agencies): India nung Airtel Payment Bank tasen tenzüktsü asoshi, Bharti Airtel-i sen 3,00 crore ($441 million) inoktsütsü nangzükoko.
Formal banking mamshirtem million aika iba sentong ajanga atongtsü nükjidong nung central bank ajanga temelaba agütsüba sülen Airtel Payment Bank ya mezüngbuba lapoker. Airtel Payment Bank nung ya Kotak Mahindra Bank indang shilem tilaka lir.
Airtel Payment Bank amshitsü asoshi Bharti Airtel indang tejangja mobile service outlet 2,50,000 amshia achayangtsü aser iba mapa ajanga costumer million ka bendenlokogo, ta Bharti Airtel ajanga sangdong ka nung metetdaktsü.
Iba Payment Bank ajanga sen inoktsütettsü aser tanga tesem nung aliba nisung dangi yoktettsü saka sen aputsübo memelatsü. Iba mapa ajanga banking sector nung sen deposit asüba nung interest rate timba akümtsü imlar. Digital payment amshir Paytm den külemi Bharti Airtel dent tokteper Reliance Industries, Vodafone Group Plc aser Idea Cellular nungertema iba Payment Bank lapoktsü asoshi temelaba agütsüogo.