Bhootiyapa nung Mithun-i shilem agitsü

Monupii/May 17, 2019 (Agencies): ‘Tashkent Files’ film nung takok ngua shilem agiba sülen, Bollywood actor Mithun Chakraborty-i taruba horror-Comedy film – ‘Bhootiyapa’ film nung shilem agitsü asoshi tezüngzüktep agigo.
Iba film nung Mithun den külemi actress Shilpa Shetty-i tongti shilem agiba angutsü. Film dak sendakba maparen ya taküm küm July aser August tsüngda nungi tenzüktsü ternemba lir.
Tashkent Files film nung tesüsa shilem agisang Mithun, pai iba film nung shilem agiba sülen pa temang nung timtem aliba ajanga temang anepalutsü atema mozük nung monga senzü, koba ajanga project tasen ka nung danga shilem magi arua liasü.
Bhootiyapa film nung Mithun aser Shilpa naprongla den külemi industry nung nüngtugu comedian talisa Krushna Abhishek, Sugandha Mishra aser Rajiv Thakur nungeri shilem agiba angutsü. Film ya Manoj Sharma-i direct asütsü.
“Mithun da dang film otsü rasa ashiba mapang pa kanga dang jangaradok. Pai kü dang ni anema dang lir aser script kanga meimer ta ashi. Kü indang project nung ni pa anioka shilem agidaktsütsü ni yongyaseter aser onok ajanga atema iba mapang ya temunungratsüka asütsü,” ta PTI dang Manoj-i ashi.
Film ya Mithun-i par kidang nija sentong ka asoshi stand-up comedian parnok asem jaokba indang otsü ka asütsü, ta Manoj-i ashi.
“Iba film ya tanga horror-comedy ama masü saka tangari kodanga meinyakdangba yimya balaka amshia yanglutsü asalentong lir. Iba fim indang genre ya khenyongi tasen asütsü aser terprangertem tali entertain asütsü atema onoki otsü tajung ka renema lir,” ta Manoj-isa shisem.
Manoj-i pa indang film ya taruba küm April 2020 nung sayatsü tebilemba lir.