Bhupen Hazarika nem Bharat Ratna agütsütsü

Guwahati, July 29 (Agencies): Nüngtugi kentener asür Dr Bhupen Hazarika nem August 8 nü Bharat Ratna (posthumously) agütsütsü.
Dr Hazarika den külemi taoba President Pranab Mukherjee aser social activist Nanaji Deshmukh na nem iba sempet agütsütsü.
Deobarnü Rashtrapati Bhavan-i iba osang metetdakja liasü.
Taoba mapang Bhupen Hazarika’er jabaso Tej Hazarika-i award magizüktsü ta ashi saka pai iba osang angashia kanga pelar ta metetdaktsüogo.
Iba ya Bhupen Hazarika’er kibong aser meimertem atema dang masü saka linük atema tepela anogo ka lir, ta Tej-i ashi.
Dr Bhupen ya alimai akümtsübuba Indian musician rongnung ka liasü. Pai ‘Bistarna Parorey’, ‘Manuhey Manuhor Babey’, ‘Mahabahu Brahmaputra’ aser ken tajung aika aten.
Bhupen ya film yanglur ka liasü aser pai film 14 tashi direct asü.
1977 küm pa nem Padma Shri agütsü, 1987 nung Sangeet Natak Akademi Award, 1992 nung Dadasaheb Phalke Award, 2001 nung Padma Bhushan, 2008 nung Sangeet Natak Akademi Fellowship, 2009 nung Asom Ratna aser 2012 nung Padma Vibhushan ngua liasü.