Bhutan-i India nunger nem tetuyuba agütsü

Guwahati, Mongputeni (October) 9 (Agencies): Bhutan elections atongtsü jakdang India nunger nem tetuyuba k agütsüogo aser ibaji January 1 nungi entry permits atema voter ID cards mesüra passports amshitsüba lir.
Bhutan kübok Phuentsholing nung aliba Indian consulate-general-i sangdong ka agütsüba nung, Juanuary 1 nungi Bhutan semdangertemi voter ID cards mesüra passports abentsüla, ta shia lir.
Tang India nungertemi Bhutan semdangtsü atema driving licences, Aadhaar aser ration cards amshir aser itemji Phuentsholing nung agizüker.
Item kulikakettem nung ajemdaker consular ketdangsertemi India nunger nem identification certificates agütsür aser iba sülen Bhutan indang immigration office nungi entry permits meshir.
Bhutan nung aliba India office nung consul Rahul Yadav-i sangdongji metetdaktsü.
October 15 nungi Diwali tashi India nunger tourist 5,000 shi kati anogoshia Bhutan semdangtsü ta osang ka ajanga ashi.