Bicyclist Anirban Acharya Kohima tongogo

Kohima, March 21, 2016 (TYO) : Kolkata nungi bicyclist, Anirban Acharya-i ‘cancer awareness’ atema alima sema cycle nung jajaba mission ka tenzüka, March 20, 2016 nü Kohima tonga aruogo.
Anirban-i school azüngba mapang nungi mapa tajung kabosa inyakdangtsü tejangraba tulu liasü aser pai 2020 küm tashi nung ‘cancer awareness’ yimyim ayimokja bicycle nung linük 100 sema jajatsü temulungtetba tulu nung apusogo.
Institute for Plasma Research (IPR) ketdangsertem den jembiba mapang pai, kü mission ya alima dang cancer tashidak nokdangtettsü aser taneptsü ngutetba tashidak ka lir, ajisüaka iba tashidak asoshi meteta aliyim sangdongtsü nükjidong nung tenzükba lir. Iba temetettsütem sangdongba ajanga alima nung cancer agi shiranger tajemba akümtsü aser nüburtem ajaki kanga tsübutepba tashidak ajanga asüba kanga mebulutsü. ‘World Cancer Day’ ya küm shia amunger aser iba mapang cancer tashidak atema meteta aliyim lemsateper,” ta ashi.
‘Around the world on bicycle for a cause of cancer awareness’ omen nung ajemdaker June 6, 2015 nü New Delhi nungi pa apuso aser Nagaland matongdang Punjab, Haryana, Rajasthan, Maharashtra, Goa, Chennai, Kerala, Kanyakumari, Odisha, Arunachal Pradesh aser Assam state tem asemdang pai tang tashi nung kilometre 140000 jajaogo.
Pa North East State tenet sema jajaba sülen South East Asia aser Europe linüktem sema aotsü.
Iba mission metetzükdang Anirban ya Kolkata MNC ka nung Marketing Executive ka ama inyak aser iba den repa Indian Cancer Society, New Delhi kübok training agia liasü.