Bieber agizüktsü asoshi Jacqueline renemshir

Mumbai, April 29 (Agencies) : Actress Jacqueline Fernandez-i, ni Hollywood fashion stylist Paris Libby den taruba hopta London nung ajurutepa Grammy Award angusang Justin Bieber India-i aruba mapang agizüktsü asoshi renemtsü, ta ashi.
Libby-i Liam Hemsworth, Jeremy Renner, Vin Diesel, Robin Thicke, Sharon Stone, Miley Cyrus, Zoe Saldana aser Britney Spears nungerasa renemtsüogo.
“Ni tang ya kanga mazüngi aliba mapang ka lir anungji ni tan hopta London nung Libby den ajurutepa Bieber agizükdang kechi sobutsü ibaji atema jembia ayutsü,” ta Jacqueline-i sangdong ka ajanga metetdaktsü.
Bieber-i May 10 nü India nung arua D.Y. Patil Stadium, Mumbai nung pa indang Purpose World Tour’ kübok shilem agitsü.
Biber ya White Fox India nung director, Arjun Jain-i anir arurba lir.