Big B aser Farhan nati ‘Wazir’ film asoshi ken ka aten

December 13, 2015: “Wazir” film nung külemi shilem agir, actor Amitabh Bachchan aser Farhan Akhtar nati film asoshi atenba ken ka menüngokogo.
Arishi küm 73 tain, Bachchan-i pa noksa kar pa indang blog ajanga lemsatepogo. Item noksa nung pa mic sülen noktaker ken atenba angutsü.
Pai noksa nung, ‘Wazir’ film atema ken menüngokdang tangokba noksa, ta zülua lir.
Iba ken ya film tatem tsütsü atentsü aser ken tenüngji “Atrangi yaari” lir.
Pai lemsatepba noksa kar nungbo tena ken temenüngokdak pelatepa angutsü. Noksa ka nungbo Farhan-i guitar tema ken atenba lir.
“Wazir” film ya Vidhu Vinod Chopra-i produce asür aser Bejoy Nambiar-i direct asütsü.