Big B-i moapu nung scü kozüba nokdangtsü inyakyim nungiter

Mumbai, August 2, 2016 : Megastar Amitabh Bachchan-i, “Moapu nung scü kozüba nokdangtsü inyaker telok nia nungiter,” ta metetdaktsüogo.
“Ni Swachh Bharat, Ministry of Drinking Water aser merük mejutsü ajungshir telok nungiter. Asen linük moaputem nung metsü meshiba meshi meshia anentsü nüngdak,” ta Amitabh-i tweet asü.
Iba inyakyim ya “Ek kadam swachta ki aur (One step towards hygiene)” omen nung ajemdaker August ita nung akatsü.
Pai Swachch Bharat nungitba ya tang tasen masü. Taoba ita nunga pa dang Swachh Bharat Mission kübok “City Compost Campaign” nung shilem agitsü asüngdanga liasü.
Pai tetsüsa shilem agia aliba film ji “TE3N” film lir aser ano memunui thriller film “Pink” nung angutsü. Iba film nung actress Taapsee Pannu-a angutsü.